Этәй авыл советы авыл биләмәсендә урнашкан Альберт Рамазановның крестьян-фермер хужалыгы күптән инде танылу алып, районда иң уңышлы һәм табышлы эшләүче хужалыклардан санала.
КФХ басучылык һәм терлекчелек тармаклары буенча махсуслашкан. Фермер иген һәм мал азыгы культуралары үстерә, алдынгы технологияләр куллану, жиргә хужаларча караш булдыру нәтижәсендә мул уңәш ала. Хужалыкның 341 гектар сөренте жире булып,агымдагы елда 100 га – арпа, 114 га – бодай, 100 га – карабодай, 27 га люпин чәчәргә планлаштырыла. Житәрлек күләмдә орлык тупланып, жирләр көздән үк сөрелгән. Монда, әлбәттә,хужалыкның техник потенциалының ныклы булуын да билгеләп үтәргә кирәк. Соңгы чорда ул чәчкеч, чапкычлар, икешәр “МТЗ – 82”, “МТЗ – 1221”, “К – 701”, тракторлары, “ЗИЛ” автомашинасы, узган елда “ДОН – 1500Б” комбайны белән тулыланган. Бер “СЗ – 3,6” чәчкече булса, быел “Омичка” чәчкечен алу күзаллана. Шул рәвешле,басу эшләренә читтән техника жәлеп ителмәячәк. Язгы-көзге басу эшләрендә механизаторлар Идгиз Габдуллин, Айдар Габдрахманов, Вәсил Сәлимов, водитель Фидан Йосыпов, эретеп ябыштыручы Нәфис Миңкәев сынатмый, тырышып эшли.
Хужалыктан ит житештерүгә нигезләнеп, фермаларында әлегә кадәр700 баш дуңгыз асралса, әлеге вакытта алар – 195 баш. Бу инде соңгы елларда төрле куркыныч, йогышлы чирләрнең таралуы, иткә хакның очсыз булуы белән аңлатыла. Житәкче Альберт Флүт улы сүзләренә караганда, әкеренләп хужалык мөгезле эре терлек асрауга күчәчәк. Моның өчен Свердловский өлкәсеннән 100 тана сатып алу планлаштырыла. Дуңгыз биналары – якты, читса, бар шартлар да тудырылган. Аларны караучы Илгиз Исламов, Гүзәл Сәлимова намуслы хезмәт сала. Әзер продукция белән район, Нефтекама шәһәре базарын тәэмин итәләр. Узган елда 24 т ит житештергәннәр, бу – хужалык өчен яхшы күрсәткеч. Барлыгы 4 млн. 400 мең сумлык продукция сатканнар.
Малларга катнаш азыкны үз тегермәннәрендә тарлаталр. Шулай ук “Фермер – 2” тегермәнендә беренче һәм югары сортлы он житештерелеп, халыкка сатыла. Әлеге вакытта – 8, сезонлы эш вакытында 16 кеше хезмәт сала. А.Рамазанов Этәй авылындагы ташландык хәлдәге райпо магазиныналып, реконструкция үткәргән. Биредә пекарня, магазин ачу күзаллана. Бинаның түбәләре – профнастилга, ишекләре – тимергә, тәрәзәләре еврога алыштырылган.
Алберт Флүт улы авыл тормышы белән дә кызыксынып, теләпәнне төзекләндерүгә зур өлеш кертә. Чүп түгү өчен тәгаенләнгән урынның юлы, урамнар һәрвакыт кардан чистартылып тора. Иң мөһиме, 2015 елда сугышта корбан булганнарның һәм аннан исән кайтканнарның исемнәрен мәңгелләштерү максатында, Теләпән авылында обелиск ачуга күп көч салган. Шулай ук өлкәннәр көнендә пенсионерларга – 10, Жиңү бәйрәмендә сугыш ветераннарына 10ар кг он таратыла. А.Рамазановны авылда балачагадан алып, өлкәненә кадәр хөрмәт итә. Ул тырышлыгы, хезмәт сөючәнлеге белән – башкалар өчен үрнәк. Аның кебек уңган житәкче булганда табыннарыбыз, һичшиксез, сыйлы булачак.

Дамир Хәсәнов крестьян-фермер хужалыгы районда уңышлы эшли, киләчәккә ышаныч белән карый, зур планнар кора.
Житәкче Дамир Хәсәнов 2006 елда үз эшен башлап жибәрә. Башта ул ит житештерүгә нигезләнеп, Түбән Череккүл авылында дуңгызчылык белән шөгельләнә.2008 елдан басучылык тармагына өстенлек бирә. Тәүдә хужалык эшчәнлеген 180гектар мәйданда алып бара һәм аны елдан-ел арттыра. Шул рәвешле, Этәй авыл советы авыл биләмәсе территориясендәге 100 гектар жир өстәлеп, бүгенге көндә аның карамагында 590 га сөренте жир исәпләнә. Әйтергә кирәк, мөһим кампанияләрне үз көчләре беоән башкару өчен хужалыкта житәрлек техника тупланган – берәр “МТЗ – 12.21”, “МТЗ – 82”, “МТЗ – 892” тракторлары, чәчү,жир эшкәртү агрегатлары,барлык тиешле корылмалары белән ике “Енисей” комбайны,бер “ЗИЛ – 130” автомашинасы бар. Быел хужалык хезмәтчәннәре язгы кыр эшләрен оешканлык белән алып барып, ул – тәмамлану алдында. Әлеге вакытта 200 га мәйданда арпаның – Белгородский, 150 га бодайның Экада – 70 сортлары жир куенына салынган. Аны механизатор Хәлим Хәкимов “МТЗ – 892” тракторына тагылган “СЗ – 5.4” чәчкече белән башкарып чыккан. Әйтергә кирәк, авыл уңганы 2008 елдан бүгенге көнгә кадәр биредә намуслы хезмәт сала. Жирне культивацияләүдә – Рафаэль Мөдәрисов (“МТЗ – 12.21”), кәтүкләүдә Рәмил Сафиуллин (“МТЗ – 82”) өлгерлек күрсәткән. Орлыкны водитель Марат Кәбиров үзе хезмәтләндергән “ЗИЛ – 130” автомашинасында ташып торган. 115 га мәйдан пар жиренә калдырылып, анда көздән ужым культуралары чәчү планлаштырыла.
Дамир Хәсәнов 2014 елда янә терлекчелек тармагы белән дә шөгельләнә башлый. Башта үз средствосына 75 баш малга исәпләнгән яңа торак төзи. Арытаба БР Авыл хужалыгы министрлыгы ярдәме белән 1 млн.700 мең сум грантка ия була һәм ул акчага Дүртөйле районы “Чишмә” нәсел заводыннан таналар сатып ала. Бүген хужалыкта барлыгы 110 баш мөгезле эре терлек исәпләнеп, шуларның 50се – савым сыеры. Мал тораклары – якты, чиста, ферма территориясе коймалар белән әйләндерелеп, тирә-ягына юкә агачы утыртылган. Әлеге вакытта көн саен 6,9 центнер сөт “Илишмолоко” жәмгыятенә тапшырыла. Савучылар Әлфия Фәтхлисламова һәм Римма Кәбирова үз эшләренә жаваплы карап, барлык технологияне төгәл үти. Хәзер сыер маллары көтүлекләргә чыгарылган. Көтүче Илфас Сабиров сөт житештерүгә лаеклы өлешен кертә, малларны тукландыруга ныклы игътибар бирә. Савымны арттыру максатында рационга, һәр баш сыерга 4 кг исәбеннән, фураж кертелә.
Әлеге вакытта фермада ремонт эшләре киң жәелдерелеп, стеналар агартыла, буяла, улаклар, тирес чыгару агрегатлар төзәтелә. Аны ремонтчылар Альберт Хәмидуллин белән Максим Андреев сыйфатлы итеп башкара.
Резеда Илүс кызы тормыш иптәше Дамир Хәсәновның кыклы терәге, таянычы булып тора. Ул елның-елына хужалык эшчеләрен кайнар аш белән сыйлый.
Хөкүмәттән алган грант бик тоемлы ярдәм булды. Безгә, фермаларга, дәүләт тарафыннан игътибар булуы киләчәккә өмет уята, беләккә көч өсти, шуңа күрә дәртләнеп, алдыбызга яңа максатлар куеп эшлибе:з. Моның өчен БР Авыл хужалыгы министрлыгына, муниципаль район хакимияте башлыгы Илдар Мостафинга, авыл хужалыгы идарәсе начальнигы Илгизәр Хәдимуллинга, шулай ук тырышып эшләүче КФХ хезмәтчәннәренә – зур рәхмәтлемен. Киләчәктә дә авырлыклар алдында баш имэбез, уңышлы эшчәнлек алып барырбыз, дип ышанам – ди житәкче Дамир Рәвил улы.